¨‘°?O منتديات الثقافة و الأدب O?°‘¨

**الجزائري** · الإثنين 28 نوفمبر 2011 - 23:25

تذكير بمساهمة فاتح الموضوع :

سن الوروووووووووووود.

رقـبَتها النــــاصْعَة ولاّت جْلُودْ ....

... وشعَرها ...

شعرها شاب ما بقى كي زمانْ.

ودمعتها نازْلــة عالخدود...

... تَهدرْ في كلام ....؟؟ ...تهدر في كلام وصوتها حزْنَان.

ياماتْ الـعزّْ راااااحت ما تعودْ...... يامات الصغر.. والزين الفتّـانْ.

كنت بصحتي نجري كي العود...... اوكان سَــرّي.. يَسْبي لعيانْ.

كنــت عروووووسة فسِنّ الورود ...

... دايــعة الصّيتْ بين النسوان.

مازال عندي تصاور شهود..... ما بيــن حوايجي ..مخبّــيَة للآنْ.

كل ّ خَطْرة يكون بالي مشدود...

... نشوفـها ونتفكّر...قلبي يحْنانْ.

ياريت هديك ليام تعود... وما صَرت ْعجوزة بِينْ الجيرَانْ.

ألهاد لحــكاية نديرْ حُدودْ...

لهاد لحكاية ندير حدود...والعِــبرة ليكْ يا مولات الشّان.

يالّـــــــى راكـي فسِّنِ الوُرودْ...

... وحياتك زاااااهية بكُــلّ الالــوانْ.

فهـــــــاد الدنيا ماكاش الخُلود...

فهاد الدنيا مكاش الخلود..... الحُرمَةْ واجبَةْ وطاعة الرّحمانْ.

السّتــرة وصّاونا عليها لجدود...

... واش بــيهْ تبدّلْ هاد الزّمانْ.

.....المــنكرْ فيه فات الحُدودْ...

والعاقل...!؟

... العـــاقل فيـــه ولاّ عيـّااانْ.

وعالحقّ الناسْ فُمها مسدودْ...

يهديكم ربي...

... يهديكْم ربِّي العنو الشــيطان.

كلمات /أحمد كرشوش.

كل الحقوق محفوظة