يوم الثلاثاء تروح العروس للحمام مع البنات جيران و اقارب و لازم ترجع قبل
ما يجيبو الكبش و مبعد كي يجيبو الكبش و يذبحوه يقلو الكبدة واللحم لمالي
العريس و دير ام العروس العشاء و تعرض جيرانها و ماليها و نهار الاربعاء
الحناء كاين لي يحني علىمقايس و كاين لي يحني على محزمة مشبكة و زيد الكسوة
لي تكون متكونة من قنادر ثقال و تحنيلها جدة و لا ام و لا اخت ولا عمة و
لا خالة العريس و يرما الدراجي على خاطر عندا عادة لي توكل من هاذيك الحلوة
تتزوج ولا كي توقف العروس من بلاصتها يجروا البنات و يقعدوا و لي تقعد
راهي تلحق و كي يروحا مالي العريس تتصدر العروس باه ماليهل يشوفا كسوتها
ونهار الخميس كاين لي يدير voyage و كاين لي يدير عرس
الموضوعالأصلي : العرس في تبسة // المصدر :