فلسطين مهد الأديان
قريت كتوب شكال ولـــوان
................./ وما خلّيت حتى صفحة فيها
تحكي تاريخنا في كل زمان
....................../ قـلـت بالاك نفــهم بيها
حبّيـت نعرف حاجة يا خـوان
................... / هدي سنــين وانا علــيها
نمشي ونــحوّس كل مكان
.............../ ندقّـق في سرارها ومعانــيها
ما عرفت علاش ارض الكنعان
..................../ لـمدينة العامــرة بمواليها
ولآت محاصرة فـكل الطّرقـان
.................... / حتى ويدانها وضواحيـــها
غلقو على ناسها كلّ البـيبـان
..................../ حــتلوها وقالو نسالو فيها
داسو جوامعها ومنـعو الآذان
................/ ناسها ما لقات ناصر يحميـها
يا أهل النّــخوة يالـحـنان
.......... / يا اللي في قلـوبكم الغـيرة عليها
يــاك ربي ذكـرها فالـقرآن
......................./ ونــوارو كل ضـالة يهديها
يـاك فلســطين مهد الأديان
................. / وشحال من نبــي فات عليها
جميــع اللّي زارها يلقى لامان
...................../ وترحّـب دايـمن بلي يجيها
منــها رسولنا رفعوا الرّحمان
...................... / للسـموات هـادي تكفيــها
صــلوا معايا عليه يا خـوان
......................../ الصـلات عليـه لازم نوفيها
علاش ما تــولي مـجاد زمان
......................../ ونكــونو يدّ وحـدة تفديها
علاش ما نتــحلاو بالإيــمان
........................ / يــاك فرقتنا تزيـد عـليها
مالـقيت جواب واضــح للآن
......................... / بصّح نطـلب ربي ينجّيــها.
كلمات / احمد كرشوش
كل الحقوق محفوظة
-----فلســــــــــــــــــطين مـــهد الاديـــان-------
موضوع: -----فلســــــــــــــــــطين مـــهد الاديـــان------- 
