اصعب فراق((الام))
القلب يحزن والمدامع غزيره
في جوفي ناراً من لهبها تبكيت

والدارظلما كانت أمي تنيره
يايمه وينك من دونك خلا البيت

قلبي تفطرعلى الفرقاءالمريره
أمنت بالله وباأقداره ترضيت

الموت حقٍ وكلن له مصيره
وموت النبي قبلك يايمه تعزيت

هذاجلالك وريحك في عبيره
كل يوم أشمه ولاشفته تهنيت

صوتك يايمه يامحلا أثيره
حنانك يمه يخليني تدفيت

من يوم رحتي والمشاعرأسيره
محداً يفضفضه و ابصمتي تسجيت

يايمه منهو أجيله وأستشيره
يعدلني لا شفت الصواب وتنحيت

يايمه كلن يناظرلي بحيره
من يوم رحتي وأنا اللي ماتواسيت

يوم كنتي عندي كني أمير ديره
كلن يناديني يقولي تعال هيت

ويوم رحتي يمه وكني في جزيره
و حيداً فيها عن الناس تواريت

أجي دويخ في وقت الظهيره
محداً سأل عني يقولي تغديت

وأبيت ليلي وعيوني سهيره
كم من ليالي نايماً ماتعشيت

ظروفٍ يمه تواجهني عسيره
ألشكوا لله بظروفي تعنيت

ياكم تعلم من معاني غزيره
يامنهل التعليم منك تربيت

كم قصةٍ قلتي وللماضي نسيره
ولا جيت عندك سواليفك تسليت

آآآه يا يمه نظراتي الأخيرة
مليت كفي ترباً ثم حتيت

أبشري يمه بدعوات كثيره
كل ما ذكرتك وللرحمن صليت

وقل ربي ارحمهما كما ربياني صغيرا

ربي ارحمهما كما ربياني صغيرا

بارك الله فيك على المرور الطيب
شكرا لك